نور صبري"
ارجع بقرارك يانور صبري العظيم
جهنم اهون النة من قرارك ياعظيم
العراق كلة من سمع الخبر وكع بظيم
انت فرحت العراق وحدت العراق الاليم
*********************
اشلون تترك هذا الشعب منك محروم
اذا انتة مموجود بلعبة كلنة انكوم
اشلون نصبر وانشوف مرمانة ملجوم
ارجع بقرارك لتخلي الشيطان براسك ايحوم
احمد الرفاعي واحد من قرارك مصدوم
*********************
عودتنة منشوف لعبة الا وانت بيهة تنور
اشلون تعوف كولك الاهداف بي مثل الخبز بالتنور
العراق من سمع الخبر كلة ظل ايفور
تقبل ايصير هيج بهذا الشعب يانور
اخوك احمد الرفاعي الي من سمع قرارك ظل راسة ايدور
*********************
نور اسمك وانت نور والعراق سماك الامين
اشلون اتعوفة واتخلي العراق فوك همة حزين
ارجع بقرارك ولتخلي منتخب العراق بالأهداف مدفونين
يلا كوم وارجع لهذا المنتخب والعراق
وفرح الصابرين
اخوك احمد الرفاعي واحد من مليار لقرارك رافضين
*********************
يانور اشلون هانت عليك اتعوف المنتخب
انتة حارسة الامين والخصم ايسميك الصعب
العراقيين كالو على قرارك مو اهون من الحرب
ارجع بقرارك وفرح هذا الشعب التعب
شنو من اسباب شخصية الي توكفك بهذا الوكت عن المنتخب
نور انتة اصيل ومستحيل يروح اصل الذهب
يلا يانور اطلع بلأعلام وكول هذا القرار انشطب انشطب
*********************
بس بقة المنتخب النة يرسم للعراق الفرحة
اشلون يانور تحرم هذا الشعب و اجرحة
اذا تطلع نور من المنتخب صدك هل اللحظة
انكول جان منتخب العراق اي منتخب ايسحكة
ارجع يا نور ورجع لجمهورك و رجع للعراق الضحكة
ومن ترجع بقرارك يا امين صدك للعراق اداوي جرحة
اسأل الله يهديك والقرار يانور من بالك تمسحة
*********************
شنو يانور طلعت هذا القرار وخليت العراق ايحير
بغيرتك اشلون تترك المنتخب و العراق هذا ايصير
يا اسد يانور ارجع وخلي انشوف ابتسامتك بالملعب اتنير
يلا يا اسد يابطل ياابو الغيرة ارجع للمنتخب يا امير
*********************
نور تعبت الك من التوسيل
والله تعبت وادموعي اتسيل
ارجع للمنتخب يا اصيل يا اصيل
*********************
يانور ادعي من الله يرفض قرارك الاتحاد
علمود تبقى اتفرحنة وتمسح دمع بغداد
ادعي الله بكلشي ايوفقك الا بهذا اعاندك اعناد
يلا كوم وخلي انصيح نور الاسد عاد عاد
*********************
لو اتريد الدم والمال والله ننطيك
بس لتترك المنتخب الله يخليك
من تأليفي
شبكة شموع الحب 
