شعر لنور صبري --- تضامنا معه --- من تاليفي
نور انت وجذب من كال تطفه
الطوبة بايدك تامن وتغفه
ياهو بالوصف مثلك يشبهك
يالطولك حلو يالقمر وجهك
ينور اللي سكنت كل القلوب
وماكو مثلك بهالكون محبوب
انيق بلبسك ولعبك وصداتك
يخاف الخصم منك يخشى ملكاتك
حصدت اللقب عن فن وجداره
بطل من تلعب بفن ومهارة
لا تحزن اذا حاقد غدر بيك
احنا وياك مو وحدك نخليك
نعرف معدن اخلاقك وطبعك
يتعجب كل من شافك وسمعك
احنا وياك لاتكول اني وحدي
لاتهتم ترة ازمة وتعدي
والكاذب ينكشف مهما تمادى
مهما زاد في جذبه وعناده
يانور البطل يانور العيون
تبقى انت الاسد مهما يكيدون
الك مني تحية والك قبلات
من كل العراق ومني بالذات
تحياتي
شبكة شموع الحب 
